har ek saans ke pichhe koi bala hi na ho
main ji raha huun to jiina miri saza hi na ho
jo ibtida hai kisi intiha men zam to nahin
jo intiha hai kahin vo bhi ibtida hi na ho
miri sada.en mujhi men palaT ke aati hain
vo mere gumbad-e-be-dar men gunjta hi na ho
bujha rakhe hain ye kis ne sabhi charagh-e-havas
zara sa jhank ke dekhen kahin hava hi na ho
ajab nahin ki ho us astan pe jamm-e-ghafir
aur us ko mere siva koi dekhta hi na ho
vo DhunD DhunD ke ro ro paḌe hamare liye
so duur duur tak apna ata-pata hi na ho
Leave a Reply