Shagufta Shafiq
bevafa tum ko bhulane men takalluf kaisa
aa.ina sach ka dikhane men takalluf kaisa
tirgi ghar ki miTane men takalluf kaisa
diip chhoTa sa jalane men takalluf kaisa
pyaar ka giit sunane men takalluf kaisa
haan pasand apni batane men takalluf kaisa
vo udasi ke samundar men akela hai bahut
hausla dene dilane men takalluf kaisa
apne gulshan ko main shadab rakha karti huun
ghar ka kachra bhi uThane men takalluf kaisa
mujh ko aksar vo yahi baat kaha karta hai
ham se hi milne milane men takalluf kaisa
jo ‘shagufta’ ko zamana ye satata hai bahut
aankh se ashk bahane men takalluf kaisa
Leave a Reply