Be-Zabani Zaban Hoti Hai

be-zabānī zabān hotī hai

ishq kī dāstān hotī hai

dil ko aayā hai phir kisī kā ḳhayāl

phir tamannā javān hotī hai

kaun pā.egā tāb-e-nazzāra

un kī abrū kamān hotī hai

kyā huā lab agar nahīñ hilte

aañkh ḳhud ik zabān hotī hai

jis ko kahte haiñ zindagī sab log

hasratoñ kā jahāñ hotī hai

un kā jalva huā hai pesh-e-nazar

justujū kāmrān hotī hai

Leave a Comment