be tire jaan na thi jaan miri jaan ke biich
aan kar phir ke jalaya tu mujhe aan ke biich
ek din haath lagaya tha tire daman ko
ab talak sar hai ḳhajalat se gareban ke biich
tu ne dekha na kabhi pyaar ki nazron se mujhe
ji nikal ja.ega mera isi arman ke biich
aaj ashiq ke ta.iin kyuun na kahe tu dur dur
vasta ye hai ki moti hai tire kaan ke biich
hui zaban laal tire haath se kha ke biiḌa
kya fusun paḌh ke khilaya tha mujhe paan ke biich
kuchh to majnun ko halavat hai vahan divano
chhoḌ shahron ko jo phirta hai bayaban ke biich
dekh ‘hatim’ ko bhala tu ne bura kyuun maana
kya ḳhalal us ne kiya aa ke tiri shaan ke biich
Leave a Reply