be-tahi yahi hogi ye jahan kahin honge
sat.h kaTne vaale sat.h-afrin honge
aftab haT jaa.e jhilmilane vaale hi
asman-e-viran men raunaq afrin honge
zindagi manane ko vahm bhi ghanimat hain
ham bhi vahm hi honge vahm agar nahin honge
ye jata diya aḳhir mujh ko mere ajza ne
apne aap men rahiye varna bas hamin honge
dil mira mudabbir hai band-o-bast-e-alam ka
mas.ale kahin ke hon faisle yahin honge
mere saath aa.e hain mere saath ja.enge
hon jahan qadam mere raste vahin honge
vaqt ki savari par jo ruki hui hogi
fasle karunga tai jo kahin nahin honge
rang-o-nur partav hain jin ki tab-kari ke
tirgi ke vo jalve kitne dil-nashin honge
sochiye to sahra hai Dubiye to dariya hai
ek din ‘muhib’ sahab jis ke tah-nashin honge
Leave a Reply