be-samt raston pe sada le gai mujhe
aahat magar junun ki bacha le gai mujhe
patthar ke jism mom ke chehre dhuan dhuan
kis shahr men uda ke hava le gai mujhe
mathe pe us ke dekh ke laali sindur ki
zakhmon ki anjuman men hina le gai mujhe
khushbu pighalte lamhon ki sanson men kho gai
khushbu ki vadiyon men saba le gai mujhe
jo log bhiik dete hain chehre ko dekh kar
‘zarrin’ unhin ke dar pe ana le gai mujhe
Leave a Reply