Jameeluddin Aali
be-sabab tujh se har ik baat pe nalan hona
apna pesha hi jo Thahra hai pareshan hona
itni rusva.iyan sah li hain to ik ye bhi sahi
ham ko manzur he minnat-kash-e-darban hona
tujh men kya baat hai jo mujh men nahin hai zalim
haan magar tere liye mera pareshan hona
haa.e us bazm ke adab jahan lazim ho
kabhi hairan nazar aana kabhi hairan hona
umr bhar ke liye kaafi hai vahi ek jhalak
tum ko lazim nahin har shai se numayan hona
ḳhamushi meri kahin aur pasheman na kare
tum agar ho bhi to ḳhalvat men pasheman hona
log dekhen to na jaane use kya samjhenge
aa.ina dekhna tera mira hairan hona
jaise sahil se chhuḌa leti hain maujen daman
kitna saada hai tira mujh se gurezan hona
hain tere ruḳh pe vo taqdis ke partav ki tujhe
zeb deta hi nahin dushman-e-iman hona
kya ḳhabar un ko ki hai kitna ajiib ai ‘ali’
ik garan shai ka kisi ke liye arzan hona
Leave a Reply