tanveer-anjum

Be-Rahm Shaeron Ke Jurm

tumhen puura haq hai

naraz hone ka

ham be-rahm shaeron se

ham ne tumhen ik tamasha bana diya

tumhare dil men dafn

gahre-tarin razon tak

hamari nazar pahunch gai

aur ham ne tumhen sharminda kar diya

duniya ke samne

tumhare razon par nazmen likh kar

tum hamare jurm par

hamen hathkadi na lagva sake

hamen adalat na le ja sake

na phansi par chadva sake

tum hamare khuun se

apne haath rangne ke liye bhi

khud ko amada na kar sake

go ye kuchh aisa mushkil bhi na tha

lekin hamen andaza hai

tum ham se badla lene ki taqat rakhte ho

aur irada bhi

is be-rahm duniya ko chhod dene ke bavajud!

More Poems

Leave a Comment