be-niyaz-e-saut-o-mahrum-e-bayan rakkha gaya
ya.ani harf-e-shauq ko zer-e-zaban rakkha gaya
ḳhvab men rakkhi ga.i buniyad-e-shahr-e-arzu
qaid men barfab ki sho.ala javan rakkha gaya
rahnuma.i di ga.i har mauj-e-tund-o-tez ko
paniyon par har safine ko ravan rakkha gaya
qudsiyon ko rif.aten baḳhshi ga.iin firdaus ki
ḳhaak ke putle ko zer-e-asman rakkha gaya
dopahar ki dhuup men ‘asif’ jala jaata hai jism
saya-e-ashjar ko jaane kahan rakkha gaya
Leave a Reply