Poet
be-misl-o-be-hisab ujalon ke ba.ad bhi
kuchh aur maang jaan se pyaron ke ba.ad bhi
kya soch raushni se ziyada hai tez-rau
ham band rah sake na fasilon ke ba.ad bhi
tasvir se ziyada tasavvur ki umr hai
kuchh ḳhvab zinda rahte hain ankhon ke ba.ad bhi
phir ḳhauf se be-fikr hi karna paḌa use
badli na meri qaum azabon ke ba.ad bhi
chaho agar amaan to hazir hai mera dil
mazbut hai ye qila daraḌon ke ba.ad bhi
aqaliyyaton ke jaise ḳhuda ki tarah hain ham
sabit na ho sake jo havalon ke ba.ad bhi
qaidi mohabbaton pe yaqin kis tarah rakhen
milti hai kab riha.i sazaon ke ba.ad bhi
Leave a Reply