Be-Mehr-O-Wafa Hai Wo Dil-Aram Hamara

be-mehr-o-vafa hai vo dil-aram hamara

kya jaane kya hovega anjam hamara

kya qahr hai auron se vo milta phire zalim

aur muft men ab naam hai bad-nam hamara

ai ab-e-dam-e-tegh-e-sitam-kash bujha pyaas

hota hai tiri chaah men ab kaam hamara

labrez kar is daur men ai saqi-e-kam-zarf

mat rakh mai-e-gulgun se tahi jaam hamara

kis tarah nikal bhagun main ab aankh bacha kar

sad chashm se yaan hai nigaran daam hamara

ye zulf-o-rukh-e-yar hai ai shaikh o barahman

billah yahan kufr aur islam hamara

baiat ka irada hai tire silsile men juun

shana hai ab ai zulf-e-siyah-fam hamara

us shokh talak koi na pahuncha saka hamdam

juz-huqqa yahan bosa ba-paigham hamara

kya kahiye kis andaz se sharmae hai vo shokh

taqriban agar le hai koi naam hamara

sayyad se kahte the ki be-bal-o-pari men

azad na kar bad hai kuchh anjam hamara

parvaz ki taqat nahin yaan ta-sar-e-divar

kyunkar ho pahunchna ba-lab-e-bam hamara

is ishq men jiite nahin bachne ke ‘nasir’ aah

ho jaega ik roz yuun hi kaam hamara

Leave a Comment