Be-Mausam Ki Baaten Karne Wale Hain

be-mausam kī bāteñ karne vaale haiñ

ranj-o-ġham kī bāteñ karne vaale haiñ

zaḳhm haTo tum de do mujh ko rasta ab

ham marham kī bāteñ karne vaale haiñ

zamzam kī bāteñ bhī is meñ shāmil thiiñ

do aalam kī bāteñ karne vaale haiñ

koī adnāoñ kī bāteñ kartā nahīñ

sab aazam kī bāteñ karne vaale haiñ

baat huī ab ḳhatm samundar vāloñ kī

ab shabnam kī bāteñ karne vaale haiñ

Leave a Comment