be-gunahi ka har ehsas miTa de koi
mujh ko is daur men jiine ki saza de koi
naqsh yadon ke sabhi dil se miTa de koi
hosh men huun mujhe divana bana de koi
koi is shahr men sunta nahin dil ki avaz
kis tavaqqo pe kahin ja ke sada de koi
aaj bhi jin ko hai apnon se vafa ki ummid
meri tasvir unhen ja ke dikha de koi
mera maazi mujhe kya jaane kahan chhoḌ gaya
main kahan dafn huun itna to bata de koi
ghairat-e-dast-e-talab baat to jab hai teri
apna daman hi tiri samt baḌha de koi
hosh valon ne to kar rakkha hai duniya ko tabah
mujh ko is daur men divana bana de koi
tauba to ki hai magar ab bhi ye hasrat hai ‘shamim’
de ke qasmen mujhe ik baar pila de koi
Leave a Reply