poet

Khunuk-Joshi Na Karte Jun Saba Gar Ye Butan Humse

khunuk-joshi na karte juun saba gar ye butan ham se

to misl-e-ghuncha-e-gul dil na jaata raegan ham se

phire us zulf-o-ru ke ishq men donon-jahan ham se

udhar kuffar phir gae sab idhar imaniyan ham se

adu the maali aur sayyad gulchin ne qayamat ki

khuda laanat kare tinon pe chhuta gulistan ham se

ujada girya-e-shor-e-junun ke vaste ham ko

vale gulshan ko aur ab-o-namak tha baghban ham se

hamen to rasti jon tiir hargiz raas aai niin

hamesha tedhe hi rahte hain ye abru-kaman ham se

aqab yaron ke sar par khaak karte ham bhi jaate hain

raha jaata nahin jon gard-e-rah-e-karvan ham se

hamen tiflan to pattharon ki mohabbat se na bhulenge

chale sahra ko ham phir gae bala se shahriyan ham se

hamin tuk zabh kar le saya-e-gulbun men jiita rah

chhudaya tu ne gar sayyad gul ka astan ham se

maze men dard-e-sar ke kab se mohtaj-e-dava ‘uzlat’

abas ai sandali-rango hue ho sargiran ham se

More Poems

Leave a Comment