Sufi

Chandni Jis Ki Dar-e-Jaan Pe Hum Aksar Dekhen

chandni jis ki dar-e-jan pe ham aksar dekhen

kabhi us chand ko bhi haath se chhu kar dekhen

kaise bhar len dar-o-divar pe avezan hain

jis taraf dekhen tiri yaad ka manzar dekhen

kabhi barish ki bhi raton men na chamki bijli

yahi arman raha ghar ko munavvar dekhen

aankh khul jaae to sahra ki zamin par hon qadam

niind aa jaae to khvabon men samundar dekhen

tuut jaane ka bhi imkan bahut hai is men

yuun kamanon ki tarah aap na khinch kar dekhen

shaam hote hi nikal aate hain taare ‘fakhir’

ik sitare ka magar rasta shab-bhar dekhen

More Poems

Leave a Comment