Sufi
bazar ki fasil bhi rukhsar par male
dud-e-charagh jo kisi shorab se jale
mathe ki bindi haath ki rakhi dua ke bol
bimar ke qarib masihai men dhale
kaghaz ki naav tuuta diya taash ka mahal
apne hain ham-jalis yahi chand manchale
itna to ehtimam rahe aarti ke saath
gehun ki fasl ke liye shorab bhi dhale
‘ahmad’ ab aftab ke andar bhi aaiye
tai ho chuke tamam ujalon ke marhale
Leave a Reply