Aziz Lakhnavi
bata.un kya ki mire dil men kya hai
siva tere tiri mahfil men kya hai
bata.un kya ki mere dil men kya hai
tu hi tu hai bhari mahfil men kya hai
kisi ke bujhte dil ki hai nishani
charagh-e-sarhad-e-manzil men kya hai
ba-juz naqsh-e-pashemani-e-qatil
nigah-e-hasrat-e-bismil men kya hai
jafaon ki bhi had hoti hai koi
ḳhuda ma.alum us ke dil men kya hai
ma.al-e-hasti-e-mauhum ma.alum
‘aziz’ is shaghl-e-la-hasil men kya hai
Leave a Reply