Sufi

Bashar Bashar Se Gurezan Hai Dekhiye Kya Ho

bashar bashar se gurezan hai dekhiye kya ho

ik inqalab numayan hai dekhiye kya ho

faqat junun hi nahin ab ke mausam-e-gul men

khirad bhi chak-gareban dekhiye kya ho

rah-e-hayat ki dushvariyan are tauba

sabat-e-azm bhi larzan hai dekhiye kya ho

badal to sakti hai nairangi-e-fareb-e-sahar

yaqin nahin magar imkan hai dekhiye kya ho

jise bhi dekhiye ‘abid’ hayat se bezar

har ek shakhs pareshan hai dekhiye kya ho

More Poems

Leave a Comment