basar hona bahut dushvar sa hai
ye shab jaise kisi ki bad-dua hai
andhere moḌ par mujh sa hi koi
na jaane kaun hai kya chahta hai
ik aisa shaḳhs bhi hai bastiyon men
hamen ham se ziyada janta hai
panahen DhunDne nikli thi duniya
sava neze pe suraj aa gaya hai
abhi tak surḳh hai miTTi yahan ki
jahan main huun vo shayad karbala hai
ḳhushi ki lahr dauḌi dushmanon men
vo shayad doston men ghir gaya hai
ka.i din ho ga.e hain chalte chalte
ḳhuda jaane kahan tak rasta hai
Leave a Reply