Bas Saliqe Se Zara Barbaad Hona Hai Tumhein

bas salīqe se zarā barbād honā hai tumheñ

is ḳharābe meñ agar ābād honā hai tumheñ

āshnā tahzīb-e-ḳhāmoshī se honā shart hai

dosto gar vāqa.ī fariyād honā hai tumheñ

vasl kī saa.at tumhāre qurb se mujh par khulā

ik na ik din hijr kī mī.ād honā hai tumheñ

ishq karte vaqt mere zehn meñ hargiz na thā

shā.erī meñ is tarah ījād honā hai tumheñ

maiñ ḳhudā ke faisle se ḳhush huuñ ye bhī lutf hai

merī nā-ta.amīr kī buniyād honā hai tumheñ

Leave a Comment