bas ek buund thi auraq-e-jan men phail ga.i
zara si baat miri dastan men phail ga.i
hava ne haath baḌhaya hi tha ki lau meri
tamam shash-jihat-e-jism o jaan men phail ga.i
vo ḳhvab tha ki khula tha daricha-e-shab-e-hijr
tire visal ki ḳhushbu makan men phail ga.i
jo us ke baad hava us se be-ḳhabar the sab
hava ne kuchh na kaha badban men phail ga.i
khula ki vahm tha aab o sarab ki tamiz
pyasi dhuup thi ab-e-ravan men phail ga.i
main us ke tarz-e-taḳhatub ka zahr pi to gaya
magar ajiib si talḳhi zaban men phail ga.i
ziyan-nasib shi.ar-e-vafa sirisht men hai
ye baat kaise saf-e-dushmanan men phail ga.i
Leave a Reply