Ankit Maurya
jaate vaqt tujhe to ham hansta dekhenge
phir a.ine men ḳhud ka rona dekhenge
ek dafa ham ne tum ko ji bhar dekha tha
ham ba.ad tumhare ab kya duniya dekhenge
aap ne meri ankhon men dariya dekha hai
thoḌa ruk jaa.en to phir sahra dekhenge
un ankhon men aur kisi ka chehra dekha
ham is se ziyada kya aur bura dekhenge
kaun nibhata hai ta-umr kisi se rishta
phir tujh ko bhi ham hairat se kya dekhenge
Leave a Reply