meer-hasan

Bas Dil Ka Ghubar Dho Chuke Hum

bas dil ka ghubar dho chuke ham

rona tha jo kuchh so ro chuke ham

tum khvab men bhi na aae phir haae

kya khvab men umr kho chuke ham

hone ki rakhen tavaqqo ab khaak

hona tha jo kuchh so ho chuke ham

kohsar pe chal ke roiye ab

sahra to bahut Dubo chuke ham

phir chheda ‘hasan’ ne apna qissa

bas aaj ki shab bhi so chuke ham

More Poems

Leave a Comment