Barishon Mein Bhigne Ki Ab Mujhe Fursat Nahin

Ishrat Moin Seemaa

barishon men bhigne ki ab mujhe fursat nahin

mausamon ke rang men pahli si vo hiddat nahin

talḳhiyan masrufiyat ne kuchh baḌha diin is qadar

sach kahun shirin-dahan se mujh ko to nafrat nahin

husn ki taqsim men hi rah ga.i koi kami

DhunDhta hai dil jise vo shahr men surat nahin

chahta hai ji ki ye bhi saath ho aur vo bhi ho

kya karen par jeb men is aish ki qimat nahin

rokna tha daur-e-avval hi ke na.aron ko vahan

ab junun-e-shahr par paoge tum qudrat nahin

dil to dil kajal bhi ab to lab-kusha hone lage

is liye ‘sima’ tire alfaz ki hajat nahin