barham hain vo ghair be-haya se
mangen kuchh aur bhi khuda se
achchha achchha adu se miliye
jaao jaao ji bala se
kya haal kahen dil-o-jigar ka
tukde tukde hai ja-ba-ja se
tuute kante to zakhm roe
aansu tapke kharash-e-pa se
rahat-talabi samajh ke ai dil
aise be-dard be-vafa se
matlub vahi ki jis ki fariyad
niklega kaam kya dua se
ro len aao gale lipat kar
fursat phir ho na ho qaza se
ham tak bhi koi shamim-e-gesu
itna kah dijiyo saba se
guzre kya jis se jaan de de
puchho to apne mubtala se
dekha sab ko ‘nasim’ dekha
khamosh bayan muddaa se