ai jaan shab-e-hijran tiri sakht badi hai
har pal magar is nis ki barmha ki ghadi hai
har baal men hai mera dil-e-saf giraftar
kya khuub tiri zulf men motiyan ki ladi hai
nilam ki jhalak deti hai yaqut men goya
so tere lab-e-lal pe missi ki dhadi hai
the zikr darazi ke tiri hijr ki shab ke
kya pahunchi shitab aa ke tiri umr badi hai
suraj ka jalane kuun jigar jiyun dil-e-‘faez’
ai naar tu kyuun dhuup men sar khol khadi hai
Leave a Reply