kar imtihan Tuk ho ke tu ḳhunḳhar yak taraf
main aaj yak taraf huun tire yaar yak taraf
insaf hai ki ghair se sohbat rakhe tu garm
baiTha rahun main misl-e-gunahgar yak taraf
sikhe ho kis se sach kaho pyare ye chal-Dhal
tum yak taraf chalo ho to talvar yak taraf
naaz o karishma ishva-o-andaz aur ada
main yak taraf huun itne sitamgar yak taraf
kis baat par tiri main karun e’tibar haa.e
iqrar yak taraf hai to inkar yak taraf
dekhen pirove kaun bhala silk-e-laḳht-e-dil
main ik taraf huun abr-e-guhar-bar yak taraf
‘qa.em’ har ek kuche men hai turfa-ta.aziya
yusuf tire ki garmi-e-bazar yak taraf
dallal ek samt ko munh se malen hain ḳhaak
sar piTte phiren hain ḳharidar yak taraf
Leave a Reply