barahnagi ka mudava koi libas na tha
ḳhud apne zahr ka tiryaq mere paas na tha
sulag raha huun ḳhud apni hi aag men kab se
ye mashghala to mire dard ki asaas na tha
tiri navazish-e-paiham ke naqsh dil men rahe
main be-ḳhabar sahi par aisa na-sipas na tha
har ek sher tha mera mire ḳhayal ka aks
koi kitab na thi koi iqtibas na tha
bikhar ga.e the so ḳhud ko sameT bhi lete
ki is yaqin men shamil mira qayas na tha
Leave a Reply