bara.e-ḳhair shar se barsar-e-paikar ho jaa.e
jise jiina ho marne ke liye tayyar ho jaa.e
aza.em shal qava mafluj dil be-kar ho jaa.e
agar asaniyan hon zindagi dushvar ho jaa.e
jo rah-e-haq men marne ke liye tayyar ho jaa.e
nazar men us ki bazicha faraz-e-dar ho jaa.e
agar shauq-e-shahadat ruuh men bedar ho jaa.e
jabin ḳhanjar-ba-kaf ho aur nazar talvar ho jaa.e
inayat ki nazar dil par shah-e-abrar ho jaa.e
mira tarik kashana tajalli-zar ho jaa.e
vo dil jis ko ḳhayal-e-mursal-e-muḳhtar ho jaa.e
tajalli-gah-e-rahmat matla-e-anvar ho jaa.e
qayamat kya hai ai maula qayamat se agar pahle
hamara aur un ka samna ik baar ho jaa.e
tanaffus mushk-afshan hai takallum barq-e-jumban hai
tabassum hai ki goya nuur ki yalghar ho jaa.e
siyasat hai ye dil ki kya ḳhabar ahl-e-siyasat ko
ki kyun-kar parda-e-inkar men iqrar ho jaa.e
ye duniya hai na ho nazan nahin tu ba-ḳhabar nadan
ye yusuf ke liye kab misr ka bazar ho jaa.e
guzarna hai mah-e-kan.an ko ik din chah-e-kan.an se
jamal ab phir bara.e imtihan tayyar ho jaa.e
zamane ki qayadat paanv chumegi tire vaa.iz
agar guftar ke Dhab par tira kirdar ho jaa.e
supurd-e-ḳhak karte hain shahid-e-ishq ko yarab
ye daana ḳhaak men mil kar gul-o-gulzar ho jaa.e
suna.ega kahan tak qissa-e-gham ‘raz’ rahne de
ye gham Dar hai kahin dosh-e-falak par baar ho jaa.e
Leave a Reply