Aap Se Sharh-E-Arzu to Karen

Fani Badayuni

aap se sharh-e-arzu to karen

aap taklif-e-guftugu to karen

vo yahin hain jo vo kahin bhi nahin

aa.iye dil men justuju to karen

ahl-e-duniya mujhe samajh lenge

dil kisi din zara lahu to karen

rang o bu kya hai ye to samjha do

sair-e-duniya-e-rang-o-bu to karen

tum se milne ki aarzu hi sahi

tum se milne ki aarzu to karen

vo udhar ruḳh idhar hai mayyat ka

log ‘fani’ ko qibla-ru to karen