Gauhar Hoshiyarpuri
bandon ka mizaj ham ne dekha
kya kuchh nahin aaj ham ne dekha
hilte hue taḳht ko sambhalo
girta hua taaj ham ne dekha
jiite to ḳhushi se mar na jaate
kis shaḳhs ka raaj ham ne dekha
kya kya na taras taras ga.e ham
kya kya na samaj ham ne dekha
ro.e hain to log ro paḌe hain
ab ke to rivaj ham ne dekha
‘gauhar’ ko salam-e-shauq pahunche
kuchh kaam na kaaj ham ne dekha
Leave a Reply