Poet
banda-parvar jo na pachhta.iyega
banda-ḳhana pe kabhi a.iyega
yaad kijega mohabbat agli
ghair ke milne se sharma.iyega
bosa dijega gale lag lag kar
zyada aur mujh ko na bakva.iyega
mere ghammaz ko apne dar se
dhakke yakbar to diva.iyega
husn ke sadqe miri ḳhatir se
kadar-e-dil zara dhulva.iyega
sitam-o-jaur-o-jafa ka sheva
chhoḌ dijega na bal kha.iyega
taqat-o-sabr tahammul mera
le ke kuchh aur hi farma.iyega
zindagi hijr men hona ma.alum
ji men aata hai ki mar ja.iyega
zulf men dil ko phansa kar mere
aap shane se na suljha.iyega
said matlub ho to banda ka sar
apne fitrak se laTka.iyega
arz ‘afridi’ ki kiije manzur
aap tashrif idhar la.iyega
gar na manoge miri baat suno
phir na mere ta.iin samjha.iyega
yaan pe mauquf hai kya ‘afridi’
munh na phir hashr ko dikhla.iyega
Leave a Reply