Dheerendra Singh Faiyaz
bana.e rakhta hai ankhon men raushni aansu
so mera ḳhvab bhi aansu hai niind bhi aansu
ugenge niind ke paude pe kuchh na.e na.e ḳhvab
karega aankh men jab kimiya-gari aansu
bana hua hai sitara hamari ankhon ka
Tapakta hi nahin ankhon se aḳhiri aansu
kabhi jo rone ka ji ho to khul ke ro lena
bana ke rakhta hai logon ko aadmi aansu
mira ḳhayal tasavvur yahi mujhe mazmun
miri zaban bhi aansu hai sha.iri aansu
nazar jhuka ke vo kahti thi mujh ko patthar dil
milati aankh to ankhon men dekhti aansu
hamare rone ko tum ranj kyon samajhte ho
hamara rona ḳhushi hai shaguftagi aansu
Leave a Reply