Ameeta Parsuram Meeta
ban gae dil ke fasane kya kya
khul gae raaz na jaane kya kya
kaun tha mere alava us ka
us ne dhunde the thikane kya kya
rahmat-e-ishq ne bakhshe mujh ko
us ki yadon ke khazane kya kya
aaj rah rah ke mujhe yaad aae
us ke andaz purane kya kya
raqs karti hui yaden un ki
aur dil gaae tarane kya kya
tera andaz nirala sab se
tiir to ek nishane kya kya
aarzu meri vahi hai lekin
us ko aate hain bahane kya kya
raz-e-dil laakh chhupaya lekin
kah diya us ki ada ne kya kya
dil ne to dil hi ki maani ‘mita’
aql deti rahi taane kya kya
Leave a Reply