main kis ki khoj men is karb se guzarta raha
ki shaḳh shaḳh pe khilta raha bikharta raha
mujhe to itni ḳhabar hai ki musht-e-ḳhak tha main
jo chaak mohlat-e-girya pe raqs karta raha
ye saans bhar mire hisse ka ḳhvab kaisa tha
ki jis men apne lahu se main rang bharta raha
ajiib jang rahi meri mere ahd ke saath
main us ke jaal ko vo mere par katarta raha
unhon ne mujh ko samundar hi dekhne na diya
ki ghar ka ghar hi mire Dubne se Darta raha
Leave a Reply