Niyaz Husain Lakhwera
bala.en lijiye ab barishon ki
jinhon ne laaj rakkhi mausamon ki
badan ki zardiyan miTne lagi hain
zarurat hai ghamon ki andhiyon ki
agar ghaTti rahin raushan lakiren
siyahi phail ja.egi shabon ki
mohabbat kar-farma ho rahi hai
milengi lazzaten ab ranjishon ki
akeli zaat ghabrane lagi hai
talab baḌhne lagi hai sathiyon ki
libas-e-jan shikasta ho gaya hai
inayat hai qaribi doston ki
Leave a Reply