baja ye raunaq-e-mahfil magar kahan hain vo log
yahan jo ahl-e-mohabbat ke ja-nashin honge
kahan se aaj miri ruuh men chamak uTThe
vo tere dukh jo tujhe yaad bhi nahin honge
zamana garm-e-safar hai kahin to pa.ega
vo dil jo mehr-o-mohabbat ki sarzamin honge
main kar raha huun tiri chashm-e-nam se andaza
ki aane vaale zamane bahut hasin honge
‘salim’ ghar se nikal kar na jaao sahra men
hava ke raag bahut dard-afrin honge
Leave a Reply