ik ḳhvab thi zindagi hamari
phir aankh nahin khuli hamari
duniya se bhi phir nahin mile ham
vo bhi to kabhi na thi hamari
din Dhal gaya ḳhvab dekhne men
kaT ja.egi raat bhi hamari
palkon pe ye phuul ansuon ke
sahra ki ye ret bhi hamari
ik dhyan ki lahr ne Duboya
ik yaad na ho saki hamari
Tapon ki sada si us ke gham ki
be-tegh sipah thi hamari
kab ho ga.i mere qad se unchi
divar ye biich ki hamari
dekha to har a.ine men ham the
ḳhud se hui baat bhi hamari
aa.e ho to ye ghazal bhi sun lo
be-vaqt ki ragni hamari
Leave a Reply