baja tha zo.am agar apne bal-o-par ka tha
ki shauq bhi to use chand ke safar ka tha
kahan se TuuT paḌi beach men fasil-e-jahan
mo.amla to faqat mere bam-o-dar ka tha
main lauT aaya dabe paanv ghar ke angan se
makan ghair ka darvaza apne ghar ka tha
ḳhud apne saa.e ko ghere men le ke baiTh gaya
ki ehtimam mire aḳhiri safar ka tha
chhupa.e baiThe the kuchh mah-o-sal ham bhi vahin
jahan pe tazkira pyaar bhar ka tha
ham apne jazba-o-ehsas le ke pahunche the
tamam khel vahan haath ke hunar ka tha
vo ab bhi halqa-e-dam nazar men phaila hai
jo sabz saaya tire pyaar ke shajar ka tha
mile jo us ki saheli se ham to raaz khula
ḳhaton men zikr kisi aur hi ‘zafar’ ka tha
Leave a Reply