baiThe biThae Lag Gaya Ek Dard-E-Sar Mujhe

baiThe biThā.e lag gayā ik dard-e-sar mujhe

us kā ḳhayāl rahtā hai āThoñ pahar mujhe

chūlhe meñ jaa.e pālkī bus hī se jā.ūñgī

tea party meñ jaanā hai T T nagar mujhe

jab se uThā ke rakh diyā burqe ko taaq par

takte haiñ ghuur ghuur ke sab bad-nazar mujhe

ab jaane dūlhā-bhā.ī meñ kyā kiiḌe paḌ ga.e

jaane ko man.a karte haiñ baajī ke ghar mujhe

phir chāhe chauk yā ki mukārim nagar ko jaa.eñ

pahuñchā.eñ pahle jā ke mirī maañ ke ghar mujhe

Leave a Comment