baiTha Hun Apne Gosha-E-Uzlat Mein Sham Se

baiThā huuñ apne gosha-e-uzlat meñ shaam se

ḳhat likh rahā huuñ us ko baḌe ehtimām se

māthe kī ye shikan kahīñ pahlū badal na le

tum ḳhud hī gir paḌho kahīñ apne maqām se

tarkash meñ koī tiir jo baaqī nahīñ to kyā

kah do ki haath khīñch liyā intiqām se

vo log jo ḳhudā ke ġhazab se Dare na the

tharrā uThe haiñ aaj magar tere naam se

Leave a Comment