Vishvanath Dard
bahut ukta gaya huun apne ji se
mira dil bhar gaya hai har kisi se
ba-zo.am-e-ḳhud ajal se main laḌa huun
ba-zo.am-e-ḳhud main haara zindagi se
na jaane kis gali men kho gaya huun
main kaT kar aap apni zindagi se
mira maazi miri yaden kahan hain
ye puchhun ab to kya puchhun kisi se
na jaane kitne unvan rashk karte
jo apni dastan kahte kisi se
jo aa.e jis ke ji men ‘dard’ kah le
sununga har kisi ki main ḳhushi se
Leave a Reply