Bahut Ukta Gaya Hun Apne Ji Se

bahut uktā gayā huuñ apne jī se

mirā dil bhar gayā hai har kisī se

ba-zo.am-e-ḳhud ajal se maiñ laḌā huuñ

ba-zo.am-e-ḳhud maiñ haarā zindagī se

na jaane kis galī meñ kho gayā huuñ

maiñ kaT kar aap apnī zindagī se

mirā maazī mirī yādeñ kahāñ haiñ

ye pūchhūñ ab to kyā pūchhūñ kisī se

na jaane kitne unvāñ rashk karte

jo apnī dāstāñ kahte kisī se

jo aa.e jis ke jī meñ ‘dard’ kah le

sunūñgā har kisī kī maiñ ḳhushī se

Leave a Comment