bahbud-o-madad ki vo sanad se nikal aa.e
kuchh peT gharibon ki rasad se nikal aa.e
un ko main khuli ankhon se ab dekh raha huun
kuchh ḳhvab miri niind ki zad se nikal aa.e
bachpan ki haden toḌ de chal umr ke ham-rah
ab to tire bachche tere qad se nikal aa.e
raste men zamane ne bichha rakkhe the kanTe
ham apne iradon ki madad se nikal aa.e
mat DhunDh mere dost tabassum mire lab par
ab kaise ye aghosh-e-lahad se nikal aa.e
‘ḳhalid’ mire jazbat ki shiddat men kami thi
aansu bhi miri ankhon ki had se nikal aa.e
Leave a Reply