Taimur Hasan
baha.unga na main aansu na muskura.unga
ḳhamosh rah ke saliqe se gham mana.unga
karunga kaam vahi jo diya gaya hai mujhe
men ḳhvab dekhunga aur ḳhvab hi dikha.unga
adhuri baat bhi puuri samajhni hogi tumhen
main kuchh bata.unga aur kuchh nahin bata.unga
main aaj tak nahin maana huun teri duniya ko
tu maan jaa.e to main us ko maan ja.unga
isi saval ne sone nahin diya shab bhar
tu mujh se puchhega kya aur main kya bata.unga
tiri kahani men rakkhunga ḳhud ko kuchh aise
main dastan men na.i dastan bana.unga
ye maslahat hai miri buz-dili nahin ‘taimur’
jahan zaruri hua hausla dikha.unga
Leave a Reply