bahar damakti barf men andar mahakti raat men
us ke badan ka phuul hai jaise hava ke haat men
khiḌki se chhante chand men nazdik atish-dan ke
zulfon ka saaya oḌh ke baiThi hain ankhen ghaat men
us ke labon se TuuT kar simab-e-mai girne laga
giile gulabon se uḌe jugnu andheri raat men
ik niim raushan kunj ki jadugari simTi hui
shanon ke simin harf men ankhon ki niili baat men
uḌta hua ik lafz sa honTon ne ankhon se kaha
tahrir men aane laga bikhra hua jazbat men
Leave a Reply