Poet
bahar aai hai sote ko tuk jaga dena
junun zara miri zanjir ko hila dena
tire labon se agar ho sake masihai
to ek baat men jiita huun main jila dena
ab aage dekhiyo jitun na jitun ya qismat
miri bisat men dil hai ise laga dena
rahun na garmi-e-majlis se main tiri mahrum
sipand-var mujhe bhi zara tu ja dena
khuda kare tiri zulf-e-siyah ki umr daraz
kabhi bala mujhe lena kabhi dua dena
ba-rang-e-ghuncha zar-e-gul ke taiin girah mat bandh
‘fughan’ jo haath men aave use uda dena
Leave a Reply