Asrarul Haq Asrar
baghair tole paron ko uḌaan mat lena
zamin vaalo kabhi asman mat lena
ye bam-o-dar bhi agar jism ke pighal jaa.en
kisi se bhiik men tum sa.eban mat lena
bahut aziim hunar hai ye ḳhaksari bhi
tum apne sar pe magar ḳhak-dan mat lena
bas ab to ponchh lo gard-e-malal chehre se
kisi ke zabt ka phir imtihan mat lena
jahan pe log bahut ba-shu.ur hote hain
ḳhulus-e-dil ka vahan imtihan mat lena
nibah aap agar chahte hain duniya se
kahin bhi shart koi darmiyan mat lena
jo kah sako to kaho varna chup raho ‘asrar’
kahin se qarz men lafz-e-bayan mat lena
Leave a Reply