baghair saghar o yar-e-javan nahin guzre
hamari umr ke din ra.egan nahin guzre
hujum-e-gul men rahe ham hazar dast daraz
saba-nafas the kisi par giran nahin guzre
numud un ki bhi daur-e-subu men thi kal raat
abhi jo daur-e-tah-e-asman nahin guzre
nuqush-e-pa se hamare uge hain laala o gul
rah-e-bahar se ham be-nishan nahin guzre
ghalat hai ham-nafaso un ka zindagi men shumar
jo din ba-ḳhidmat-e-pir-e-mughan nahin guzre
‘zafar’ ka mashrab-e-rindi hai ik jahan se alag
miri nigah se aise javan nahin guzre
Leave a Reply