poet

Baaten Na Kis Ne Hum Ko Kahin Tere Waste

baten na kis ne ham ko kahin tere vaste

aur ham ne bhi na kis ki sahin tere vaste

hairan dar-ba-dar pade phirte hain raat din

khurshid o maah zohra-jabin tere vaste

simab o barq o shola-e-javvala aur ye dil

betab un men kaun nahin tere vaste

ham ne tiri talash men ai barq-vash kiya

yaan ek asman o zamin tere vaste

shab soz-e-gham se shama-sifat be-qarariyan

kya kya na mere dil ko rahin tere vaste

tu zeb-e-bazm-e-ghair raha aur main yahan

bhatka phira kahin ka kahin tere vaste

ye naale vo hain yaad rahe tu na gar mila

pahunchenge ta-ba arsh-e-barin tere vaste

kuchh aur ikhtilaf ka baais nahin faqat

aalam men hai chunan-o-chunin tere vaste

fazl-e-khuda se yaad rahe ‘aish’ nematen

maujud hongi dekh yahin tere vaste

More Poems

Leave a Comment