Iliyas Babar Aawan
baagh ik din ka hai so raat nahin aane ki
vo pari phir se mire haat nahin aane ki
ab vo laḌki nahin aane ki mire college men
ab ke multan se saughat nahin aane ki
tum chali jaao ye patthar nahin pahle jaisa
aankh se ju-e-munajat nahin aane ki
ab jo ye vasl hai is vasl ko be-kar samajh
ham pe rangini-e-halat nahin aane ki
dekh lo khol ke khiḌki ki zara der hain ham
dusri baar ye barat nahin aane ki
ab tire ba.ad faqat aab hi utrega yahan
ab ke barsat men barsat nahin aane ki
Leave a Reply